This text is also available in: English

შენიშვნა: გაცნობებთ რომ შეიცვალა IREX/საქართელოს ელექტრონული ფოსტის დომეინ მისამართი. კერძოდ @irex.ge-ს ნაცვლად  გვაქვს  @irex.org. მაგალითად, თუ აქამდე გზავნიდით ელექტრონულ ფოსტას მისამართზე tnozadze@irex.ge, ახლა იგი უნდა გაგზავნოთ tnozadze@irex.org-ზე. აღნიშნული ცვლილება ვრცელდება ყველა თანამშრომლის ელექტრონულ ფოსტის მისამართზე. IREX/საქართელოს  თანამშრომელთა საკონტაქტო ინფორმაცია შეგიძლიათ იხილოთ შემდეგ ბმულზე: http://irex.ge/about/staff

რაც შეეხება info@irex.ge-ს მას ჩაანაცვლებს შემდეგი ელექტრონული მისამართი: info-georgia@irex.org

IREX საქართველო (აირექსი)

ტრენინგ პროექტების და მასთან ასოცირებული პროფესიონალთათვის განკუთვნილი საგრანტო პროგრამების ადმინისტრირება საქართველოს მასშტაბით IREX-მა 1994 წლიდან დაიწყო. IREX-ის პროგრამები და პროექტები მოიცავს სხვადასხვა სფეროს, როგორიცაა საუნივერსიტეტო კვლევა და სწავლება, კორპორატიული მენეჯმენტი და კომერცია, სამთავრობო პოლიტიკა და დიპლომატია, ჟურნალისტიკა და მედია. პროგრამის მონაწილეები თავისი სფეროს გამორჩეული ლიდერები არიან და დღესდღეობით საქართველოს საზოგადოებაში დემოკრატიული პრინციპების დანერგვას ემსახურებიან. ამერიკის შეერთებული შტატების სახელმწიფო დეპარტამენტის განათლებისა და კულტურის ბიურო, ამერიკის შეერთებული შტატების საერთაშორისო განვითარების სააგენტო, ნიუ იორკის კარნეგის კორპორაცია და სხვა კერძო წყაროები სხვადასხვა დროს დაფინანსებას უწევდნენ IREX, რომელიც უკანასკნელი წლების მანძილზე ადმინისტრირებას უწევს აღნიშნულ პროგრამებს.

ამჟამად IREX ადმინისტრირებას უწევს შემდეგ პროგრამებს:

1. G-MEDIA

G-MEDIA პროგრამის ფარგლებში დაიგეგმა ოთხი ძირითადი ამოცანის შესრულება:

1. მედია პროდუქტის ხარისხის ამაღლება, შინაარსის გამრავალფეროვნება და მიწოდების არხების გაფართოება;
2. პროფესიონალიზმის ამაღლება ჟურნალისტიკაში, თვითრეგულირება და პროფესიული სტანდარტები;
3. მედიის საკანონმდებლო გარემოს გაუმჯობესება და ჟურნალისტთა უფლებების დაცვა;
4. მედია მენეჯმენტის და ბიზნესის გაუმჯობესება.

2. საქართველოს მედია პარტნიორობის პროგრამა (GMPP)

საქართველოს მედია პარტნიორობის პროგრამის (GMPP) მიზანია ხელი შეუწყოს საქართველოში თავისუფალი მედიის პროფესიულ განვითარებას ქართულ და ამერიკულ მედია საშუალებებს შორის გრძელვადიანი პარტნიორული კავშირების დამყარებით, პროფესიული გაცვლებით, ინდივიდუალური  კონსულტაციებითა და გამოცდილების გაზიარებით. შედეგად, ქართველ პარტნიორებს შესაძლებლობა ექნებათ ისარგებლონ გაუმჯობესებული ჟურნალისტური, ტექნოლოგიური და ბიზნეს/მედია მენეჯმენტის უნარჩვევებით.

3. ევრაზიის სტუდენტური გაცვლითი პროგრამა

ევრაზიის სტუდენტური გაცვლითი პროგრამა (UGRAD), წარმოადგენს ამერიკის შეერთებული შტატების სახელმწიფო დეპარტამენტის განათლებისა და კულტურის ბიუროს პროგრამას, რომელსაც ადმინისტრირებას უწევს საერთაშორისო კვლევისა და გაცვლების საბჭო (IREX). პროგრამა საშუალებას აძლევს სტუდენტებს სომხეთიდან, აზერბაიჯანიდან, ბელორუსიდან, საქართველოდან, ყაზახეთიდან, ყირგიზეთიდან და უზბეკეთიდან ერთი აკადემიური წლის განმავლობაში ისწავლონ სხვადასხვა სპეციალობით ამერიკის შეერთებულ შტატების უნივერსიტეტებში.

4. ედმუნდ მასკის სამაგისტრო პროგრამა

ედმუნდ მასკის სამაგისტრო პროგრამა(Muskie) წარმოადგენს ამერიკის შეერთებული შტატების სახელმწიფო დეპარტამენტის განათლებისა და კულტურის ბიუროს პროგრამას, რომელსაც ადმინისტრირებას უწევს საერთაშორისო კვლევისა და გაცვლების საბჭო (IREX). პროგრამა საშუალებას აძლევს სტუდენტებსა და პროფესიონალებს აზერბაიჯანიდან, ბელორუსიდან, მოლდოვეთიდან, რუსეთიდან, საქართველოდან, სომხეთიადან, ტაჯიკეთიდან, უკრაინიდან, უზბეკეთიდან, ყაზახეთიდან და ყირგიზეთიდან ისწავლონ შეერთებულ შტატებში ერთი წლის მანძილზე ხარისხის მინიჭების გარეშე ან ხარისხის მინიჭებით და ორი წლის მანძილზე სამაგისტრო ხარისხის მინიჭებით.

5. ევრაზიის/სამხრეთ აზიის მასწავლებელთა დახელოვნების პროგრამა

ევრაზიის/სამხრეთ აზიის მასწავლებელთა დახელოვნების პროგრამა (TEA) წარმოადგენს ამერიკის შეერთებული შტატების სახელმწიფო დეპარტამენტის განათლებისა და კულტურის ბიუროს პროგრამას, რომელსაც ადმინისტრირებას უწევს საერთაშორისო კვლევისა და გაცვლების საბჭო (IREX). პროგრამა ევრაზიისა და სამხრეთ აზიის საშუალო სკოლის 136 მასწავლებელს აძლევს უნიკალურ შესაძლებლობას აიმაღლოს კვალიფიკაცია, დახვეწოს სწავლების უნარები და გაიღრმავოს ცოდნა ამერიკის შეერთებული შტატების შესახებ. პროგრამის დასრულების შემდეგ აშშ-ს მასწავლებლები საპასუხო ვიზიტით ეწვევიან პროგრამის კურსდამთავრებულთა სკოლებს მასწავლებელთა დახელოვნების პროექტების განსახორციელებლად.

6. მცირე გრანტების პროგრამა

ამერიკის შეერთებული შტატების სახელმწიფო დეპარტამენტის განათლებისა და კულტურის ბიუროს მცირე გრანტების პროგრამა საშუალებას აძლევს ბიუროს პროგრამების კურსდამთავრებულებს განახორციელონ სხვადასხვა ღონისძიებები, რომლებიც მათ პროფესიულ განვითარებას ისახავს მიზნად.

7. უნივერსიტეტის ადმინისტრაციის მხარდაჭერის პროგრამა

ნიუ იორკის კარნეგი კორპორაციის  სრული მხარდაჭერით  აირექსმა შექმნა უნივერსიტეტის ადმინისტრაციის მხარდაჭერის პროგრამა, რომელიც მიზნად ისახავს, ხელი შეუწყოს სომხეთის, საქართველოს, ბელორუსის, განის, რუსეთისა და უკრაინის განსაზღვრულ უნივერსიტეტებში ადმინისტრირების გაუმჯობესებას. პროგრამის მონაწილეთა შერჩევა ხდება კონკურსის საფუძველზე და საშუალებას აძლევს უნივერსიტეტის საშუალო და მაღალი რანგის მმართველებს, გაემგზავრონ ამერიკაში რვაკვირიანი პროგრამის ფარგლებში და იმუშაონ ამერიკის სახელმწიფო უნივერსიტეტებში ამერიკელ კოლეგასთან ერთად კონკრეტული უნივერსიტეტის რეფორმის პროექტზე.